»
      Si mičttinu a caminari, e scuontranu 'na massaria di piecuri, ca era di la Mammadrŕa. Lu picciuttieddu chi guardava li piecuri cuomu vitti 'ncugnari a Giuvannuzza cci tirau 'na pietra. Idda, Giuvannuzza, si misi a chianciri. — «Ah! Uora t'hę fari ammazzari,» cci dici a lu picciuttieddu. La vidi sta cavallaria? Ora t'hę fari ammazzari!» Lu picciuttieddu, scantatu, cci dissi: — «Si tu nun mi fa' fari nienti, io nun ti nni tiru cchiů pietri.» Giuvannuzza si vutau e cci arrispusi: — «'Nca si tu 'un vô' essiri ammazzatu, comu passa lu Re e ti spija, di cu' č sta massaria di piecuri, tu cci ha' a diri: — «Di Do Giuseppi Piru,» ca Do Giuseppi Piru č sň jčnnaru e ti duna lu premiu.» Passa la cavallaria, e cci dici lu Re a lu picciuttieddu: — «A tia, di cu' č sta massaria di piecuri?» Lu picciuttieddu prontu: — «Č di Do Giuseppi Piru.» Pigghia lu Re e cci detti dinari.
      Giuvannuzza java quantu un deci passi avanti di Do Giuseppi; e Do Giuseppi 'un facia ŕutru chi děricci 'n sutta vuci: — «Unni mi sta' purtannu, Giuvannuzza? Jeu chi haju tierri, ca tu mi fa' accrědiri riccu? Unni jamu?» — E Giuvannuzza cci dicía: — «Zěttuti, Do Giuseppi, e lassa fari a mia.» E caminavanu e caminavanu. Giuvannuzza scuontra 'n'ŕutra massaria di vistioli, cu lu vistiamŕru. Dduocu succiessi la stissa cosa di lu picciutteddu: la pitrata; e l'amminŕzzitu di Giuvannuzza. Passau lu Re: — «Vistiamŕru, di cu' č sta massaria di vistiami?» — «Di Do Giuseppi Piru.» E lu Re alluccutu di li ricchizzi di sň jčnnaru, cci dietti 'na munita d'uoru a lu vistiamŕru.