» L'ha anche il GRADI nel Saggio di Letture varie ecc., ma la riproduce dal Basile.
      Pel principio della novella precedente, ove sono i calcoli fatti da D. Giov. Miserante, vedi Lu furasteri e lu tratturi, vol. I. pag. 77 e seg. Pel principio della presente vedi PITRÈ, Otto fiabe ecc. n. 1, Lu Re di li pira d'oru. Pel fondo, ma particolarmente per alcune circostanze, vedi la novella seguente.
      Leggi la importante nota del Köhler alla 65 delle Sicil. Märchen.
      LXXXIX.
     
      Lu cani 'nfatatu.
      Si raccunta ca cc'era 'na vecchia ch'avia 'na niputi bedda. Avianu accattatu un tumminieddu di frumientu; lu mannàru a lu mulinu, e lu ficiru tuttu a pani. La nanna si nni ij' a la Missa, e dissi a la niputi: — «Duna accura a la puni, Ruosa; quannu viegnu ia, gamiammu lu furnu, e lu 'nfurnammu(582). Na mentri, vinni un cani, si lu aggrampa e si lu porta; la niputi si cci misi appriessu, camina di ccà, camina di ddà, e lu cani si 'nfila 'ntra un palazzu. La picciotta si 'nfila appriessu: nni ddu palazzu cc'era un Riuzzu, e cci dissi: — «Oh quant'havi chi ti aspiettu! ora nni âmmu a 'nguaggiari.» — «Sissignura, ma haju la nanna ia e la vuogliu ccà.» Lu Riuzzu piglia 'na carrozza e la manna a piglia; pùa la vesti cu un bellu àbbitu, e la viecchia cci dici: — «Vuogliu essiri assittata a lu giru di mà niputi(583).» Rispunni lu Riuzzu: — «Vi sia cuncessa, signura zia;» e mentri era nni la cummirsazioni di lu fistinu, la vecchia cci dicía a la gurìcchia(584) a la niputi: — «Chi nni facisti di lu tumminieddu di lu pani?