» Quannu lu carbunaru 'ntisi sta prumissa, pinsau di děricci sě, lu salutau e prumisi a lu Principi ca si ni jia, ma turnava ccu ajutu. 'Nfatti scinníu nni lu paisi lu cchiů vicinu, chiamau ajutu, pricurau cordi e scali, si purtau carta, pinna e calamaru e ccu 'n'ŕutru cumpari sň ca sapia lčiri e scriviri. Turnau a lu voscu ccu pani, carni e vinu, e desi a mangiari a lu Principi ca si lu spartíu ccu lu liuni e lu sirpenti.
      Lu carbunaru, doppu ca mangiŕru tutti, cci dissi a lu Principi: — «Viditi ca cu spacu vi scinnu carta, pinna e calamaru, e scrivitimi, ca pi nčsciri mi dati zoccu mi prumittistivu, e poi quannu sbrigati v'acchianu, ca 'ntra sto tempu nui attaccamu li scali e facemu li ligna.»
      Lu Principi allura allura si pigghiau la carta e cci scrissi ca cci dava a lu carbunaru tali e tali 'na terza parti di li so' beni ppi premiu e paga d'aviri sarvatu la vita ad iddu, a lu liuni e a lu sirpenti; e doppu ca cci la firmau, cci attaccau la carta nni lu spacu e dissi a lu carbunaru di acchianarisilla. Lu carbunaru si tirau la scrittura e la fici lčiri a sň cumpari, e quannu vitti ca era giusta, cci dissi: — «Vaja, spicciŕmunni; arraccumannati boni sti cordi, vui di ddocu a sutta dicěticci a st'armali ca nun fŕzzanu dannu a nuddu, sannunca vi lassamu a tutti ddocu;» e parrannu parrannu cci calau ddŕ intra 'na corda di 'mmůrdiri(596). Comu lu sirpenti la vitti si cci turciniau, e a corpu 'nturciniŕnnusi 'nturciniŕnnusi si n'acchianau fora. Comu si sturciniau di la corda si ni iju ni lu carbunaru e si cci stricava gammi gammi 'n signu di ringranziamentu e d'amuri.