» — «Tutti mè mugghieri!....» E comu lu Nutaru scrivi, lu maritu tira quattru assaccuna e mori(628).
      La Principissa arristau domina assuluta, e ddoppu tempu si maritò cu lu Sù Giuseppi; e accussì succedi ca li dinari di l'acculicchiaturi si li mancia lu sfraguni(629).
      Palermo(630).
     
      VARIANTI E RISCONTRI
     
      Una versione lombarda di questa novella è La sciora e la serva dei Paralipomeni alla Novellaja milanese dell'IMBRIANI. Una padrona avara che non voleva dare a mangiare alla serva, la quale finalmente ammalatasi, per otto giorni andò a casa e disse alla padrona ch'ella viveva di niente e non sentiva più bisogno di mangiare. La padrona per l'avarizia volle provare; però al quinto giorno non potè più parlare dalla debolezza, e faceva segni colle dita significando che ci volevano ancora due giorni a finire il tempo prefisso. La serva chiamò il prete, e quando la padrona moribonda faceva segni colle dita, la serva disse voler l'ammalata significare che, morendo, i suoi averi li voleva divisi a due, al prete e alla serva. Fu verificata la cosa dai parenti; e, morta l'avara, la serva e il curato ne godettero i beni.
      XCIII.
     
      La Ghiuttuna.
      Si cunta ca c'era 'na vota un maritu e 'na mugghieri. Lu maritu facennu la matina la spisa, purtava la carni e la pasta dicennu a la mugghieri: — «Còcila, ca cu sti cosi n'avemu a 'ricriari.» Iddu niscíu; e la mugghieri iju ni la cucina pri cociri ed apparicchiari sti cosi. Comu eranu menzi cotti, ammucciuni di lu maritu, accuminsau a tastarli; tastannu tastannu si li mangia tutti.