Lu Re comu la vitti la vosi acchianata susu; li marinara si facievanu appriari, ma poi cci l'acchianaru, e lu Re cci dietti un bellu cumplimientu. Cu sta gran maravilla si cuminciau a divičrtiri lu Re, la Riggina, e tutti chiddi di la Curti. Li marinara cci lassaru st'ŕcula a Palazzu Riali, e si nni jeru. La Riggina, ca la filla la vulía 'stremu beni, ha prigatu lu Re di fari vědiri stu diliziu a la filla. Lu Re dissi sě, e s'ha pillatu una gran cuoffa(658), cci ha situatu un martieddu, 'na cazzuola e 'na martiddina, ed ha scinnutu nni lu suttirraniu unni cc'era la filla; e chiddu chi era dintra l'ŕcula, chi vidía tuttu lu caminu chi facieva. Scinnieru setti scali; grapičru setti quarti e poi cc'era 'na filora(659); lu Re cu 'na menza-canna misurau cinquanta canni, e truvau 'na grasta granni. Scinníu cu la Riggina ancora, sina chi arrivau unni jera la filla cu 'n'ŕutri vinticincu dunzelli tutti aguali a la Rigginotta ca nun si putieva distinguiri. Comu juncieru, cci ficiru sunari 'na bella sinfunia all'ŕcula. Ddoppu cci lassanu l'ŕcula ddŕ e si nn'acchiananu: e li picciotti tutta la notti si divirtieru assai. A lu filu d'agghiurnari(660) la Rigginotta si la fa purtari a lu sň capizzu; la Rigginotta si curca e s'addurmisci. Lu picciuottu grapi lu sigretu di l'ŕcula e nesci, si spoglia e si curca cu la Rigginotta. Idda si rispilla; — Olŕ! grida, ma iddu cci attuppa la vucca e cci dici: — «Zittu, ca jeu haju travallatu tantu pri včniri ccŕ nni tia. Si tu gridi m'arruini.» La Rigginotta capíu, e tutta la matinata si divirtieru.