»
      E lu picciuottu ha misu a girari tuttu lu Palazzu, e tantu tastiau, fina ca arrivau unni iddu sapía lu sigretu. Senti tubbiari unni cc'era lu tuonu(670), e lu vosi vìdiri. Lu Re s'accurava; ma lu picciuottu cci dissi: — «Vui chianciti lu muru, Maistà; ma jeu haju a pinsari pi la mia vita.» Sfunnau, e vitti una porta, trova la scala, e scinni e scinni; e ammàtula lu Re dicía: — «Bada ca dduocu truovi un liuni!» Iddu vosi scìnniri sempri. Arrivannu a la filora, si pilla la menza-canna, e, finta ca jucava, misurò li cinquanta canni di tirrenu. A li cinquanta canni, truvò la grasta; la spinci. Lu Re grida: — «Nun mi la guastari sta grasta!» ma iddu tirau avanti. Lu Re cci dissi: — «Gora tu ha' truvatu a mè filla; ma cc'è ancora 'n'âtra cosa; mè filla è 'mmienzu vintiquattru dunzelli; si tu nun la conusci 'mmienzu a tutti a la prima affacciata, tu cci pierdi la vita.» Si prisièntanu vinticincu dunzelli, tutti vistuti aguali. Iddu guarda la scuocca di n'àutru culuri, e si jetta e si l'abbrazza. Accussì la 'nzirtau. Acchianau susu; lu picciuottu ha fattu vèniri a sò patri, e davanti d'iddu s'ha maritatu a la Rigginotta.
      Iddi arristaru filici e cuntentiE nui senza aviri nenti.
      Geraci-Siculo(671).
     
     
      VARIANTI E RISCONTRI.
     
      Lu Re Fioravanti (Palazzo-Adriano)
     
      Questo Re Fioravante avea una figlia, e la nascose nel proprio palazzo, colla promessa di darla in moglie a chi fra tre giorni la troverebbe, ma colla minaccia di far morire chi non la troverebbe. Undici nobili vi perdettero la vita. Duodecimo, un figlio d'orefice con un'aquila d'amore tutta a musiche e a suoni, volle tentarne l'impresa.