1. notte V. dello STRAPAROLA, in cui il re d'Olanda concede una delle sue due figliuole a Guerrino se egli saprà scegliersi quella dai capelli d'oro coperta da veli. Guerrino la conosce a un calabrone che le si aggira attorno, e che ella scaccia da sè per ben tre volte. Questa circostanza del segno è pure nella XXIV delle Novelline del DE GUBERNATIS e nell'Acula, versione inedita di Palermo, la quale non mi è stato possibile di raccogliere per intiero, e di riassumere per la presente nota. — Nelle Sicil. Märchen, n. 10 un ladro si nasconde in un'aquila d'argento; e n. 23, in una statua d'argento di S. Nicola.
      Vedi la 68 delle Vergleichende Anmerkungen del KÖHLER alle Sic. Märchen, e la novella seguente, che è una bella variante.
      XCVI.
     
      L'àcula d'oru.
      'Na vota si cunta e s'arriccunta ca cc'era unu putenti riccu, un bellu giuvini riccuni, chi nun avía a nuddu. Comu nun si vulía maritari, fràbbica un granniusu palazzu chi tinía se' migghia, cu lu gran dinaru ch'avia, e si carruzziava cu la carrozza iddu sulu dintra stu gran palazzu. E poi cci misi la scrittura chi dicia:
      «Cu' havi dinari fa chiddu chi voli,
      Cu' havi bon cavallu va unni voli.»
      Passa e passa 'na jurnata lu Re, e leggi la scritta. — «Ah, 'nca tu (dici) si' cchiù putenti di mia?! Ma talía ccà! o chi tu 'ntra un annu, un misi e un jornu mi dici unni è misa mè figghia, o chi eu ti fazzu livari la testa.» Accussì cci dissi a ddu bellu giuvini, doppu chi lu fici chiamari; e si nni partíu forti currivatu, muzzicànnusi tuttu.
      Iddu mischinu, lu giuvini, si pigghiau 'bbunnanti còllura di chistu; misi la grunna, 'mbrigghia lu cavaddu, e siddïatu si metti camina, camina a la vintura, fina chi juncíu a un paisi.