» Allura la Rigginedda, ca di lu giuvini si nn'avia 'nnamuratu fina 'nta l'ossa, cci va 'ncontru allegramenti; s'ha livatu di lu jìditu l'aneddu sò domanti e l'ha misu a lu giuvini: — «Te', chistu è signali di l'amuri miu.»
      Quannu fu jornu, lu ziu si susíu; s'hannu licinziatu cu la Rigginedda e cu lu Re, e si nn'ha turnatu a lu sò paisi cu la bell'àcula d'oru.
      Passàru 'na piccaredda di jorna, e finíu la tempu d'un annu, un misi e un jornu; e lu Re mannau pri lu giuvini riccu. — «Ebbeni, mi sai dari risposta ora, o t'âmu a livari la testa?» — «Maistà, dici, ccà cc'è lu signali» — e cci ha cunsignatu l'aneddu di sò figghia. Lu Re amminnalíu sutta la botta; calau la testa e cci dissi: — «Mè fìgghia è tua, ed eu ti la vogghiu maritari pirchì ti tocca. Ora m'addugnu ca hai ragiuni di zoccu canta la scrittura:
      «Cu' havi dinari fa chiddu chi voli,
      Cu' havi bon cavallu va unni voli.»
      S'hannu fattu li spunsali cu gran cuntintizza e festa granni: la giuvina e lu giuvini fôru filici e cuntenti pri tutta quanta la vita, e nui ccà atturniati, cuntannu e sintennu cu li denti munnati.
      Borgetto(674).
     
      VARIANTI E RISCONTRI
     
      Questa novella è una bella variante della precedente, ed è anello tra essa e quella che segue.
      Mi pare da non doversi pretermettere perchè evidentemente è la medesima cosa dello episodio del Mambriano da me riassunto a pag. 317 di questo volume [n. XCV L’acula chi sona, varianti e riscontri: Lu Re Fioravanti – nota per l’edizione elettronica Manuzio].
      Una lezione castelterminese è La putenzia di li grana, che più comunemente esce col titolo Lu liuni.