Comu lu catalettu turnò a Palazzu, subbitu iddu manna 'na 'mmasciata a chista ca cci vulía parrari. Ma li fati ca pi idda pigghiavanu sempri la spata pi la punta, cci mannàru a diri: — «Nonsignura; sta grazia di parrari cu la nostra Signura, iddu nun l'havi ad aviri. Iddu, stu vostru Riuzzu, chi si cridía ca avía a pigghiari 'na catùgghia(708) quannu cci sputau? E nun lu sapi ca chista è 'na figghia di Re 'ncurunatu; ddoppu d'avìricci fattu sbattisimari la sò vita.... Ora iddu si sbattissi la testa mura mura ca la nostra 'Mperatrici nun lu voli!...»
      Sapiti comu cci stava finennu a lu Riuzzu? ca pi la pena cci stava appizzannu la vita. Quannu cci parsi a iddi, li fati cci dèttiru lu pirmissu di passari. Lu Riuzzu attisau allura; comu trasíu nn'idda cci addumannò pirdunu e finíu. Si grapi subbitu Cappella Riali e si maritaru. Lu Riuzzu vulía ca li fati arristassiru ddà cu iddi, ma iddi cci addimannaru 'na billissima licenza e spirèru. La Rigginedda mannò a chiamari a sò patri e a sò matri, e cci fu 'na gran festa pi tuttu lu Regnu.
      Iddi arristaru filici e cuntentiE nui semu ccà e nni munnamu li denti.
      Palermo(709).
     
      VARIANTI E RISCONTRI
     
      La figghia di lu re Partugallu (Villabate).
     
      La principessa era a pettinarsi nella sua terrazza; un uccello verde andò a rubarle per tre giorni la spazzola del pettine, ed ella ammalò. Una vecchia venne a farla ridere parlandogli dell'uccello verde, di cui essa era già innamorata; e la principessa fuggì di casa e andò a trovare l'uccello che era un principe incantato.