Si cunta e s'arriccunta ca cc'era un patri e 'na matri ed avěanu un figghiu, beddu ca era 'na pittura, e longu com'un stinnardu. Lu patri e la matri lu vulěanu bčniri quantu la pupidda di l'occhi soi, e si scantavanu a fallu jěri a jucari fora, pirchě si passavanu li fati si lu pigghiavanu. Qulunchi di l'aggenti chi lu viděanu, a stu bellu giuvini, cci dicěanu: — «Chi stinnardu d'oru! cci staría bona a lu latu la Bedda di la stidda d'oru!» Stu giuvini sintia, e assuppava(748). Assuppa ora, assuppa dumani, a la fini junci ca avia vintidu' anni, ed iddu era rispittatu di tutti, e tutti lu vulěanu beni assai, pirchě era un giuvini valenti e arditu, ed era scienti di tanta duttrina ca 'nta lu sň paisi nun lu putia aggualari nisciunu. Veni un jornu e dici: — «Ora č lu tempu di jěri a pigghiarimi a la Bedda di la stidda d'oru, ora ca sugnu scienti di tutti cosi, e li 'ncantisimi chi cci su' li pozzu vinciri.» — «Figghiu, cci dici la matri e lu patri, tu chi si' foddi? vuliri a la Bedda di la stidda d'oru! E nun lu sai ca pri avilla cci voli chi si rumpissi lu cchiů forti 'ncantisimu di lu munnu? E lu Drau comu lu vinci? e la Mammadrŕa? e lu Sirpenti a setti lingui vilinusi? Ah, figghiu, comu ti perdu! quantu figghi di Re e di 'Mperaturi cci hannu lassatu la peddi!» Ma avogghia di chianciri e pilŕrisi, lu giuvini attistau ca avía a pŕrtiri: — «A costu chi cci appizzu la vita, dici, la Bedda di la stidda d'oru havi ad essiri mia!» Chi fa? si pigghia un bellu cavaddu, 'na sciabula, e nesci a li campagni pi circari la Bedda di la stidda d'oru.