Je ne croi pas que vous le veez a piece maiz(1228). Quant mon compaignon entendi ceste parole, il cuida bien sans faille que ce fust verité que elle disoit. Et pour ce fu il tous enragiez et tous forcenez, du grant courous que il en avoit; si dist adonc que il vengeroit ceste honte que je li avoie faite de sa damoiselle. Et maintenant demande ses armes. Et quant il fu armez il monte; et fist monter .II. escuiers en sa compaignie seulement.»(1229)
      «Quant il se fu mis a la voie, pour ce que il pensoit quel part je estoie allez, se mist il aprez moi. Et tant chevauche en tel guise, que il m’ataint. Quant il fut venuz pres de moi, il me commence a crier: Tournez vers moi cel escu, sire, et vous deffendez de moi, se vous povez; car de ce vous [333] asseür je bien, que se vous ne vous povez deffendre de moi, vous estes mort. Quant je entendi ceste parole, je tournai vers mon compaignon et li dis: Haa, sire compains, que est ce que vous dites? Pour Dieu, gardez que vous voulez encommenchier; car je vous promet loyaument que je oncques ne meffis vers vous, pour quoi vous me doiez haïr. - Traïtour, me dist mon compaignon, vostre escondit(1230) ne vous vault. Si m’ait Diex, vous estes mort, se vous ne vous povez deffendre encontre moi. Je crioie toutevoies merci a mon compaignon; car, a la verité dire, j’avoie grant doutance de lui, pour ce voirement que je savoie bien que il estoit aucques meilleur de moi. Maiz que me vault mon prier a celui point? Je n’y povoie en nule guise trouver merci, ne accord, ne autre chose de nous .II.»(1231) Insomma, si viene a battaglia e si combatte a lungo.