Et quant il ot monstré l’espee au seigneur du chastel ou nous estions herbergiez, cil recongnoit erraument l’espee; car il meismes de ses mains l’avoit donnee a son frere.(1312) Puis que il ot oÿ les nouvelles de nous, il n’i fist autre demourance; ains s’en vint tout droit au chastel ou nous estions herbergiez, et nous fist prendre.»(1313) Fattesili condurre dinanzi, «bien liez estroitement de bonnes cordes,» interroga la damigella, la quale con parole astute ribadisce la calunnia. «Après ceste parole fusmes erraument enprisonnez, que nous n’eûsmes oncques povoir de respondre ne ce ne quoi(1314). Et ainssi liez comme nous estions, demourasmes nous celle nuit en prison. A l’endemain, auques matin(1315), nous en fusmes trait.(1316) Quant [347] nous fusmes venus en mi la court, nous veismes adonc que li sires de leenz estoit tous appareilliez de mener nous au chastel ou son frere gesoit mort; et ilecques(1317) devion mourir.(1318) Tout ainssi liez comme j’estoie, fu je bailliez a .IIII. escuiers a cheval; et il me menoi[en]t tout a pié. Et mon compains fu bailliez a autre .IIII. tout autressi. Et en tel guise yssismes du chastel et venismes au grant chemin.»(1319)
      «A celui point tout droitentent que nous allions a nostre mort si villainement comme je vous compte, avint par aventure que nous encontrasmes un chevalier errant, armez de toutes armes, en la compaignie de un seul escuier...(1320) Et quant nous fusmes venuz jusqu’a lui, il nous demande, qui nous estion. Et nous li deismes totte la verité.(1321) Quant il oï ceste raison,(1322) il dist erraument au chevalier qui nous faisoit mener si vilainement: Sire chevalier, ou vous delivrez ces .II. chevaliers, ou je les delivrerai.