- Certes, fait il, ce vous creant je loyaulment. Se elle veult aler a vous mieulx qu’a moy, ja pour moy ne la perdrés.» Il Morhault pone dunque la dama nel mezzo; «Et puis li dist: Ma dame, vous savés bien quelle paine et quel travail j’ay huy enduree pour vous.(1645) Mais pour toute la paine que j’ay enduree, ne remaindra que je de cestuy fait ne vous mette a chois de vostre voulenté. Se vous aymés mieulx li chevaliers de Cornoaille, du recreant(1646) mauvais, que la compaignie de moy, vous y povés aler tout quittement. Et se vous aymés plus moy que luy, si demourés devers moy. - Quant la belle dame ot entendu du jeu qui ainsi luy estoit partis, elle n’y fist autre demourance; ains s’en partit du Morhault et s’en vint vers le mauvais chevalier. - Sire Morhault, fait li chevalier de Cornoaille, se Dieux me doint bonne aventure, a ceste dame avés vous failly a cestuy point. Quant li Morhault ot ce plait et le fait, il est tant durement irés, qu’il ne scet qu’il en doye dire. Vergoingneux est si durement, qu’il n’en ose nul homme regarder. Et le roy Meliadus l’apparçoit, si le monstre au roy Pharamon, et luy dist tout en riant: Sire roys de Gaule, que dittes vous de ceste aventure? - Que j’en dy? fait le roy Pharamon. Et qu’en dirois je autre chose, fors seulement que j’en ay veü? La dame ne fit fors ce qu’elle deüst; car femme est tout adès(1647) acoustumee de prandre la pire partie et la plus mauvaise;(1648) et de ce ne doit pas estre vergoingneux le Morhault, s’il est tant sages chevaliers comme on dit.