[98] L’anderà parte, che per auctorità de questo Conseio el nobel homo ser Marin Sanudo sia obligato accommodare al R.o D. Petro Bembo de tuti li soi libri et opere continente la historia et diario da lui composto, come ne la oblation sua se contiene. Et sia tenuto continuar de scriver el diario, videlicet quelo occorerà de jorno in jorno in vita soa, et accommodar el dicto R. D. Pietro ad ogni rechiesta de sua Signoria. Et essendo ben conveniente ch’el dicto ser Marin Sanudo senta in questa senil età sua conveniente emolumento de le sue fatiche, haver deba da la cassa de i Governadori, dove se pagano li nodari et se pagava ser Andrea Navaier per scriver la historia, ducati cento et cinquanta al anno in vita soa, azò el se possi sustentar et maridar una sua fiola natural, come è el desiderio suo. Dechiarando che 53 volumi de la historia scritti de sua mano et quelli che de caetero el scriverà siano de la Signoria nostra, da poi la sua morte, da esser messi ne la camera de questo Conseio, sì come el dicto ser Marin se ha offerto de far avanti li capi de questo Conseio».
     
      Dopo di questo decreto, il Sanuto scriveva al Bembo la lettera seguente(416):
     
      «Reverendissimo monsignor patron mio singularissimo.
     
      La longa benivolentia ch’è stata sempre tra li nostri padri e progenitori et la servitù mia a Verona essendo camerlengo quando el clarissimo vostro padre era podestà de lì, poi la conformità di aver piacer di virtù e lettere, è stata corroborata l’altro heri per una parte presa nel Excellentissimo Conseio di X, nemine discrepante, che aziò Vostra Signoria possi con più fazilità e con la verità scriver la historia latina io lo accomodi dela mia historia e diaria secondo achaderà, composta et scritta per mi non senza grandissima mia faticha, cometendomi expresse vadi seguendo el scriver in vita mia, et mi hanno dato in vita mia provisione di ducati 150 dove si pagava il Navaier che niente scrisse et XV anni galdete la provisione.