Item, mandano fanti 3000, et mandandose più numero de homeni d'arme, se mandino tanto meno [13] fanti et ulterius che esborseno de presente per imprestido a la prefata majestà duc. 15 milia per una volta sollamente, et sia tenuta la majestà preditta satisfare integralmente al preditto serenissimo principe et excellentissima Signoria, et restituire tutte le spexe se farano per quella in li ditti presidii, et similiter restituire ditto imprestedo, sì come qui sotto più particolarmente se dechiarirà.
     
      Item, sia tenuta ditta majestà satisfare tuta la spesa se farà per il prefato serenissimo principe et excellentissima Signoria nel governar et guardar de le terre infrascrite et lochi infrascriti, da esserli consignati per cautione et segurtade de la satisfatione sua, detrata perhò la intrata che la prefata illustrissima Signoria havesse de li lochi preditti.
     
      Item, per cautione et segurtà del prefato serenissimo principe et excellentissima Signoria de Veniexia, siano consegnate immediate in mano et podestà sua, o de' suoi comessi che da lei serano deputati et ordenati, queste tre cità de la Puja, videlicet Brandicio, Otranto et Trane, con tutte fortezze e monitione che se trovasse in quelle, da esser tolte per inventario, lochi, ville, territorii, tenimenti, porti, spiaze, chargaturii, ragione et jurisditione terestre et maritime, et chadaune pertinentie sue et ad esse spectante et pertinente con mero et misto imperio, da esser custodite et gubernate.
     
      Item, siano tenute per la illustrissima Signoria le dite cità, terre et luogi et roche et tereni e territorii ut supra, in loco di pegno et ypotega per tute le spese se farano per lo prefato serenissimo principe et illustrissima Signoria ne li presidii predicti, per tutto lo tempo i starano a li servicii de la regia majestà et per le spexe se farano nel governo et guardia de dicti lochi da esser consignati, et ne lo imprestedo presente di duc.