200 milia in tutti li presidii haverano ne lo regno sì da terra come da mare, sia tenuta essa illustrissima Signoria suplire quello manchasse fina a la summa preditta, o in zente o in danari, sicome allora serà determinato et concluso, non computato la spexa de l'armata, che sono duc. 500 per galia al mexe.
     
      Item, che ogni praticha o intelligentia quale essa illustrissima Signoria, o per sé o per homeni sui, averà, directe vel indirecte, con baroni, potentie, cità, terre et casteli o sindici de quelli, debia essere con volontà et beneplacito di la prefata majestà o soi comessi, et non aliter nec alio modo.
     
      Item, le terre, cità, roche et provincie del regno che, o per forza o per altro modo venirano in futurum in potere de la prefata illustrissima Signoria o de homini soldati di quella, sive che siano di presente in potere di francesi o de essa majestà o de altri, statim et incontinenti se debiano consignare a la prefata majestà o sui deputati, senza aspetare altra consultatione de essa illustrissima Signoria, né possa la prefata illustrissima Signoria pigliare né acetare recomandato alcuno in protetione di persona o stato in ditto regno o extra, de li regnicoli o possessori in ditto regno, senza voluntà, saputa et beneplacito de essa majestà.
     
      Item, che le zente d'arme qualle manderà essa illustrissima Signoria a i sussidii de la prefata majestà, debiano per lo tempo che sarano nel regno di Napoli servire fidelmente et stare sotto lo governo di essa majestà o sui deputati, et obedire ad quelli, et fare in omnibus et per omnia come li serà ordinato et imposto per essa majestà, sui locotenenti o comessi.