A Borgia D. Johannes, tituli Sanctae Mariae in via lata diacono.
      A Seco Brien (Segobiensis) D. Johannes, tituli Sanctae Priscae presbiter card. [54] Agrigentinus D. Johannes de Castro, tituli Sanctae Agatae presbiter card.
      Perusinus D. Johannes (Lopez), tituli Sanctae Marie Transtyberim presbiter card.
     
      Noto chome, nel consejo di pregadi, a dì 26, per gratuir Lunardo di Anselmi consolo nostro a Napoli per haversi optimamente portato in dar avisi di ogni successo a la Signoria nostra, fo preso parte di scriver a l'orator nostro in corte che impetrar dovesse da la sanctità del nostro signor una reserva al ditto de tanti beneficii su le terre nostre, che havesse de intrada fino a la summa di duc. 300, et cussì fo obtenuto dal pontifice dicta aspectativa etc.
     
      Item, fosse spazà le bolle gratis, et mandarge duc. 200 per spexe havia fato in corieri et altro.
     
      Georgio Valla piacentino, homo molto litterato sì in grecho qual latino, et era lector publico a stypendio di la Signoria nostra, et lezeva in humanità la matina a San Marco in l'hospedaleto, in questi giorni fue per il consejo di X retenuto insieme con uno Placidio romano, etiam litterato giovine, et questo, ut dicitur, per alcuni avisi haveano datto a Zuam Jacomo di Traulzi era in Aste di molte nuove, et caetera. Unde, dicto Zorzi Valla fo posto in la camera di signor di note nuova, et fo primo examinato per li capi era quel mexe dil dicto consejo di X, videlicet Vido Caotorta, Nicolò Michiel doctor et cavalier et Alvixe Venier. Et questo stete zercha mexi 8 cussì retenuto; poi dil mexe di octubrio 1496, fue lassato et reduto nella prima lectura, ma Placidio romano fo expedito a morir in la forte per esser in dolo.