Item, in auxilio di re Ferando mandò 900 fanti, capitani domino Ugone de Monforte, Raps Conradin, Van Heyk et Monteboner.
      Item, manda Alvarada capitano di 400 cavali a l'ausilio preditto.
     
      [1496 02 19]A dì 19 ditto, el re si partì di Augusta e andò a Brit, et Zacaria Contarini cavalier con li altri oratori erano ivi.
      Item, come a dì primo marzo si dovea celebrar una dieta a Curich de sguizari, a persuader quelli populi lassino le pratiche francese et esser fedeli a l'imperio. Et la majestà dil re, a dì 21 fevrer, di Brit ritornò in Augusta.
      [60] Item, come el legato dil pontifice episcopo concordiense andava a la dieta di Acurich, et a dì 25 partì di Augusta.
      Alvarada yspano, capitano di 500 cavali deputato in ajuto di re Ferandino da la cesarea majestà, have la paga di uno mexe, et dovea andar a Milano dove haria la paga di uno altro mexe.
     
      [1496 02 29]A dì 29 ditto, in Augusta vene nova di la morte dil ducha de Vertimbergh, che havia per moglie una sorella dil signor illustre marchexe di Mantoa. El suo stato è in la Svevia. Havia cercha fiorini 30 milia de intrada. Era sapientissimo, et governava quella liga. Ha lassato uno nepote ex fratre non è in tutto sanae mentis, et lassoe a quel governo dodece de li primi di quel stato.
      El re di Franza ha mandato in Bergogna tre oratori, videlicet monsignor de Pienes e do altri, per li qual offerisse restituir il stato a l'archiduca, licet non sia venuto il tempo.
     
     
      Quello che pono far sguizari.
     
      Zurigo pò mandare fora
     
      homeni 4000 fa homeni 6000 de paexe