Onde ditto proveditor le offerse, benché molti homeni vi manchasse et assà ne erano de amalati. Li nimici tiene el camino di Puja. Li è stà tolto una bombarda grossa che conduceano. La majestà dil re li seguirà, et haverà li stratioti e parte di provisionati. El principe è a Thiano. Di Petra Molara et Rocha Monsile, [68] non è stato altro. El principe di Bisignano è a la volta di Calabria andato.
     
     
      Sumario di lettere del proveditor, de dì dicto.
     
      Narra il protesto li fece la regina di mandar 6 over 8 galee a Gaeta, per le quatro barze, et che, bisognando remorchiar l'armata di Spagna, ditte galee l'havesseno a far.
      Item, volea che io con el resto di l'armata, andasse a Salerno. Al primo fui contento, et al resto pregai sua majestà volesse diferir tre zorni fino zonzesse domino Bartholameo Zorzi, et questo cargo era suo, unde fu contenta.
     
     
     
      Copia di una lettera che scrive il re di Franza
      a la moglie dil preffeto signor di Sinigaia et sorella dil duca de Urbino,
      la qual lettera fo mandata de qui poi.
     
      Rex francorum Siciliae et Hyerusalem.
      Illustris praefectissa cosina nostra carissima. Sapendo noi quanto lo illustre prefecto, vostro consorte et nostro carissimo cugino, et anche voi siate affectionati a le cosse nostre, et persuadendomi che desiderati intender novelle de noi, et retornandosene di presente lo homo de lo illustre marchexe de Bitonto, ne ha parso farvi la presente, per la qual ve avisamo che, per la gratia del nostro Signor Dio, le cuose nostre da ogni canto vano tutte prospere, et ultra li subsidii che havemo mandati in quello nostro regno di Sicilia, de homini da cavalo et de pedi, per terra et per mare, et de victualie, tuttavia non cessamo di far novi preparamenti et exerciti terrestri et anche maritimi per lo ritorno nostro, perché semo deliberati, piacendo a Dio, a lo bono tempo personalmente noi ritornar per la recuperatione et conservatione de dicto regno, qual, per haverlo noi acquistato, lo havemo tanto in cuore, che più presto consenteremo de lassar perder tutti questi paterni nostri regni de Franza che 'l dicto de Sicilia.