Or poi andorono nel borgo de Buti de nocte, da principio come amici, e trovoli in letto et sine custodia, et non se ne armò se no circha 30. Dapo' li deno adosso, et percosseli in modo che ne amazaro 23 homeni d'arme de' dicti trenta, et circa 40 stratioti et molti cavali. Et hano preso tute le lhoro arme et circa 200 cavali, li megliori, et quatro passavolanti et una bombarda grossa, et renchiuso in Buti Francesco da Monte Secho, et morto uno suo nepote chiamato Nicolò et lo fiolo del marchexe dal Monte et molti altri, et lo resto di cavalli et fanti, parte fugati et parte presi. Et in lo dì sequente vene poi el signor di Carpi et el fio dil signor di la Mirandola in favor de' pisani, per modo che sono mo signori de la campagna, et stimassi recupererano presto molte terre lhoro, et forsi de le altre. Ad aviso ve sia. Data in Siena, die supra scripta.
     
      È da saper, come el ducha de Milano, exortato da' venitiani dovesse come collegato mandar zente in aiuto de' pisani, unde mandoe el signor Lodovico de Carpi et el conte Lodovico da la Mirandola, figlio dil signor Galeoto con cavalli 50 lizieri, et zonsero ivi, come è scripto di sopra. Etiam Sonzin Benzon et Zuan da Ravena in questi zorni vi zonsero, unde pisani, fatti signori di la campagna, vollevano recuperar i lhoro castelli, et molto erano aliegri.
     
     
      Sumario di lettere da Napoli dil consolo, da dì 1° april fino a dì 15 dicto.
     
      El principe di Salerno si condusse a Marzano con 100 et più homeni d'arme, et ha animo di conjunger quelle genti de lì con le altre.