Col primo tempo si partirà don Johane de Carviglion con bel numero de fanti, et el signor don Fedrico si sta con gotte, et anderà a la impresa di Gaeta, et il proveditor se leverà a quella volta. Sono zonti qui li grippi. Assai amalati sono di quelli de l'armata, et è assà fuziti. El proveditor provede a tutto. Non bisognava altro preparamento che lui a questa cossa, che, con la sua virtù e solicitudine, questa armata sarà in hordine e se porà levar, cossa quasi imposibile. Ex Neapoli die 19ª aprilis 1496.
     
     
      Sumario di lettere di 24 dil ditto.
     
      Scrive la scaramuza fata per li sguizari sotto Troja, de li qualli pochissimi ne campò. Dapoi, passando inimici dinanzi Fogia per aviare le pecore al camino d'Abruzo, havendo intelligentia con i gargari e pecorari, fo alcuna parte di dicte pecore sachizate per li stratioti e fato alcuni presoni. Se dubita li nimici condurano con sé lo resto, et se pò tener per certo questa doana consumata, e pochissima parte sarà quella che 'l signor re porà cavarne. Per non esser el re unito, li nimici sono signori di la campagna. A dì 19, se trovarà el marchexe a Santa Agata, lontano da Foza mia 30, con i cavali lizieri. Doveva andar dal re per deliberar quid fiendum. Haveria per optima nova si deliberasse il fatto d'arme. El star rinchiuso, et far l'inimico signor di la campagna, non havendo molto da posser mantegner la guerra, non so come fosse el proposito. È dificile non haver terra capace a tanto exercito. In Calabria con 5 galee venete partirano 500 fanti a l'incontro del vice re francese, che se ha facto coda de popoleschi.