N. praenominata summa florenorum Rheni in defalcationem dictorum centum quinquaginta millium florenorum Rheni, juxta tenorem praedictae obligationis, de et ex generali denario, vel ex bona voluntate, vel si dicti regni status, aut ex eis eorum major pars, praedictam obligationem pro centum quinquaginta millium florenorum caventem non solverent, vel dicti generalis denarii summa effectum sortiri non possit, infra anni spacium de et ex nostris bonis haereditariis iterum exsolvi debeantur sine fraude. In testimonium praesentium litterarum, nostro regali secreto super impresso, sigillatarum. Data in Svebischcmuend duodecima die mensis marcii, anno a nativitate Domini millesimo quadringentesimo nonagesimo sexto, regnorum nostrorum romani undecimo et Hungariae sexto annorum.
     
     
     
      Maximilianus Dei gratia romanorum rex semper augustus.
     
      Instructio quid illustris Jacobus marchio in Baden, comes in Spanhaim, avunculus princeps noster dilectus, et nobiles honorabiles nostri ac regni dilecti fideles Eyttel Fridericus comes de Zolle judex [153] camerae, camerarius et capitaneus noster dominii in Hohenberg, Adolffus comes de Nassauo noster locumtenens terrarum Gheldriae et Zutpheniae, Vuilhelmus de Pappenhaim sacri romani imperii mareschalchus, Corradus Sturizel de Buckhaim curiae et comitatus nostri Tyrolis cancellarius et praefectus in Thann, et Georgius de Mydegt doctor legum, consiliarii nostri conjunctim et divisim, in constituta regia dieta franckfordiensi, nomine et loco nostris, eorum principibus curiae et aliis regni statibus in dicta dieta Frankfordiae congregatis, agere et procurare debeant etc.