Doman matina se haverà risposta, et exequirasse li comandamenti regii. Di quello seguirà, v. m. sarà advisata, a la qual mi ricomando.
     
      [183][1496 05 18]
     
      Ex felicissimis castris regiis et serenissimi dominii Venetiarum apud Pando.
      Die 14ª maii 1496 hora XX.
     
      A dì 18 mazo scrive Jacomazo da Veniexia al podestà di Ravena, una lettera di le nove dove se ritrovava, perché era in l'Apruzo con el signor Hannibal figliol dil signor di Chamarino, soldato di la Chiesia. Et dice: Qua facemo bono fructo. Metemo in ruina tuto questo paese, et havemolo sì sbigotito che, in pochi zorni, ve darò bono et optato aviso de quanto serà nostro. Havemo havute Civitella con molti castelli; preso Turano del marchese de Bitonti; acordato Canipoli, et è reso Termeni del Abruzo, et molti altri logi se aspetano cum devotione, che se apresentamo che se voleno render, perché senteno li anzoini esser declinati, et ogni zorno esser per declinar più.
     
      In questo tempo, a Veniexia fo discoverto come alcuni officiali, erano stati a la camera d'imprestidi, et havevano de li danari publici ancora ne le mano, per la qual cossa tutti mormorava, unde, per parte presa in pregadi, questa tal cossa fu comessa a li avogadori de comun, che dovesseno diligentemente inquerir et venir al consejo, et cussì intromesseno alcuni i qual fono puniti.
     
      Consultatione grandissime fono facte in questi giorni nel senato zercha a l'armar. Alcuni volevano armar do nave grosse di comun et elexer capitano di le nave; altri di compir di armar la barza patron Pietro Contarini, et questo per l'armada faceva far il re di Franza in Provenza.