Et tandem, a dì 23 mazo, fu preso di armar Marchio Trivixan, era zà electo capitano zeneral, insieme con do altre galie sotil le qual fosseno armate a Corfù, et li fosse mandato ducati ... per una. Et il zorno seguente, fo il marti di pasqua di mazo a dì 24, ditto capitano zeneral, justa il solito, messe bancho a l'oficio di l'armamento, acompagnato per piaza da li procuratori e tutto il collegio, oratori Spagna, Napoli e Milan, et havia sul bancho ducati 50 milia, tra monti de' venitiani, ongari, fiorini, et marceli et mocenigi in monede, li quali messe per mostra, chome si suol far. Et have da la Signoria per armar la sua galia ducati 3000, et de brieve montoe in galia, abuto il stendardo, come dirò poi.
     
      [1496 05 25]A dì 25 ditto, fo preso in pregadi di mandar 400 stratioti, erano a Lio, a Pisa per la via di Mantoa, Pontremollo, e Lucha, acciò danizasseno fiorentini, et in quel zorno fu electo proveditor lhoro Justignam Morexini, homo in cosse beliche experto et operato proveditore in campo ne la guerra contra [184] todeschi del 1487, con provisione de ducati 100 al mexe. Et poi fo suspesa la dita andata, perché el ducha di Milano volleva lui li stratioti. Tamen, a la fine fono tutti mandati a Pisa, et etiam Nicola da Nona, con li 100 cavali, che veneno a esser stratioti n.° ... Et inteso, per lettere di Francesco da la Zuecha secretario nostro a Pisa, la carestia era de formenti, fo scrito a Luca ne mandasse, et etiam a Zenoa. Adeo, fono socorsi presto, mediante la Signoria nostra, la qual pisani adoravano summamente, et si harebbe dato, ma nostri non volleva tuorli.