Sopragionto [189] Jacomacio et mi, dessemo dentro a li dui altri squadroni, et facessemo facto d'arme una bona hora, che invero li inimici si mostravano molto gagliardi, et maxime essendosi facti forti in certe coline. Tandem, seguendoli nui senza alcuno timore, e fazandoli ussire Rainaldo da essi dreto a le spale con alcuni cavali, con el nome de Dio et exaltatione de la majestà dil re et honore de la s. v., li havemo rotti e fracassati mediante la valorosità di ditto Jacomacio e Capoano, homeni experti et vallenti, et etiam de li nostri camertorii, qual tutti hanno facto da paladini. Et veramente la signoria vostra se ne pò tenere contenta, che sono per haversene sempre honore. Amazassimo de li inimici circa 80, come la s. v. in dies potrà più chiaramente intendere, et se havessemo voluto, ne havaressimo facto magiore occisione; ma ce parse seguitare fina a le porte de la terra quelli homeni d'arme e cavali legieri de li quali forno morti parechii, et se havessimo abuti li cavali più freschi, ne haveressimo facto tal occisione che seria stata cossa mirabile. Havemo facto 36 presoni, tra li quali sono doi capi de squadra, e cinque homeni d'arme de li megliori havesse el marchese. Sonoci dui stratioti et molti homeni da bene de le terre del marchese, e tra questi presoni è un contestabello da Fermo. Havemoli etiam tolto 4 boche di focco, et finaliter havemo conduto ditto bestiame et presoni a salvamento, con gloria et honore di la signoria vostra, a la quale ho voluto del tuto dare aviso.