Nostri voleno andar presso dicti inimici acciò in Terra di Lavor non prosperi, et ozi, in consulto, fo deliberà da matina levarse col campo e andar a uno alozamento verso li inimici, per esserli più propinqui a poter romper ogni suo disegno. Si acosterà ogni zorno, con voler disponersi in alozamento forte, et volendo venir a la zornata, si à con avantazo fate far bone oration etc. La majestà dil re dize le zente di l'Abruzo à buto la terra de Campi, qual avanti haveano assediata. Si la Signoria non provede questa zente di mexe in mexe habino danari, farano mal. Qui è gran povertà.
     
      Lettera scrita a dì 24 in Val Vitulana, recevuta a dì 31, ut supra. Questa matina, el campo nostro si levò di Padullo et vene qui. Passassemo apresso le mure di Benivento, venissemo a lozar in questa valle, distante mia 13 in 14 da li nimici. Judico fin zorni 6 si farà la zornata, per certa deliberation fatta per il re voria fusseno zonte le zente dil ducha di Chandia. Dio perdoni el ducha de Milan non ha lassato venir li 900 alemani et 400 cavali lezieri mandati per Maximiano, che se veniano, di longo eramo vincitori. Li inimici se levono questa matina da Ferazano, et sono iti a Marcone. È stato intercepte alcune lettere mie di cambio di ducati 600 al banco di Pixani mandandole a Napoli, siché le strade sono mal sigure. Di la nuova di Calabria, per lettere da Napoli di 21. che quel capitano, una note, piando [192] le scolte de' inimici i qualli erano a uno borgo 12 mia lontan da lui, et levatosi con le zente erano ivi, zoè cavali lezieri 200, e più di 1000 fanti, et a la desproveduta andò ad asaltar dicti inimici qual dormivano in li pavioni, e tagliò a pezi 200, prese 400 cavali lezieri et 70 homeni d'arme, et prese tutti quelli signori e baroni era in Calabria, e si don Ferrante preditto non li assaltava e li lassava passar, era tolto di mezzo.