Stradiotti n.° 200 " 200
      cavalli 2400
      Summa summarum " 13374
     
     
      Questi sono li fanti.
     
      Zan Mato da Bergamo, a Crema, page 100
      Bertolin da Terno " 100
      Alvixe da Novello, a Pontevigo " 60
      Bortolo da Durazo, a Asola " 40
      Guielmin da Bassan, a Peschiera " 30
      Paulo Albanese, a Riva " 70
      Gorlin, a Roverè de Trento " 100
      Marco da Rimano, a Lignago " 30
      Jacomin da Roman, a la Badia " 30
      Ruberto da Rimano, a Lendenara " 50
      Cinzo dal Borgo, a Roigo " 100
      Zam da Lodi, a la Polisella " 50
      Piero da le Corazine, a Gradischa " 40
      Morello dal Borgo, a Monfalcon " 40
      Jacomo da Tarsia, a Ravena " 120
      Colla Greco, a Cervia " 30
      Vielmo da Cologna, a Cervia " 25
      Page 1015
     
     
     
      Nuove dil mexe di zugno 1496.
     
      [1496 06 01]A dì primo zugno, nel consejo di pregadi, fu preso parte di elezer, el primo mazor consejo, uno provedador in armada con i modi e condition era domino Bortolo Zorzi a cui Dio perdoni, el qual, tre zorni dapoi electo, dovesse risponder et poi subito andar a Zenoa dove dovevano esser venute le 6 galie, et che dovesse star al governo di quelle galie, et montar su la galia dil preffato Zorzi; et fo scrito a Napoli ditta galia fusse mandata. Et a dì 5 ditto, fo creato Domenego Malipiero, era stato [196] podestà et capetanio a Ruigo, et patricio in mar exercitato, stato soracomito et capitano di nave armade. Et libentissime acceptoe; partì a dì ditto, et per terra a Zenoa andoe, et ne l'andar fu molto honorato.
     
      Pisani, in questo mezo, fevano mal i fatti soi, et domandava ajuto a la Signoria. Dubitavano de' fiorentini, et vi vene uno altro oratore a dì ultimo mazo chiamato Agustin d'Onito dotor, stato oratore in Franza, et questo, insieme con l'altro, expose li bisogni di la sua terra.