Or venitiani, questo intendendo, fono tutti aliegri.
     
      In questi zorni, vene lettere di Zacaria Contarini [199] cavalier, orator al re di romani, di 24 mazo, come il re havia ditto voler menar in Italia persone 14 milia, zoè 4500 a cavalo et il resto a piedi, et in ditto numero erano compresi 6000 elvetii.
     
      Item, che quelli di Austria non li volea dar danari, et che dicto re li dimandava fingendo volersi vegnir a incoronar, et havia terminato far una dieta a Lyndò, et che domino Philippo Adeler havia prestato a sua majestà ducati 12 milia, et il re volleva la Signoria ge li desse a' soi comessi a Venecia. Tamen, li fo mandati fino a Trento in tanti raines, come dirò di sotto al loco suo.
     
      Et per lettere di 27 ditto, se intese dicto orator esser in Augusta, et che il re et l'archiduca di Bergogna suo fiol eadem hora zonseno a Olmo. E la causa di tal venuta e coloquii, era per dar modo di scuoder le imposition de' danari trovati in la dieta vormiense.
     
      Item, come l'orator anglico era partito dal re, et che havia inteso da domino Francesco de' Montibus orator napolitano, che havia lettere di 13 di Hungaria. Narava turchi haver preso per tratato uno castello nominato Sachol propinquo a l'Arza et havealo munito di zente, et che havia pigliato uno altro propinquo chiamato a Temesvar et havealo depredato et brusato insieme con molte ville; et si diceva che 'l re Ladyslao havia fato preparamenti di zente per mandar contra il ducha Zuam Corvin, et per questi movimenti de' turchi le ha retenute, e trata apontamento con lui e volea il venisse a una dieta in Buda, et dicto ducha non se ha fidado, et il re ha deliberato mandar do prelati a uno loco neutrale, dove sarano insieme per veder di pacificar le cosse.