Il capitano rimase con altri 400, et mandò Zorzi Paleologo, Zorzi Buxichii et Bernardin da Nona con cavali 200, con comission andasseno vicino a li nimici; i quali corseno fin su le tende, amazono in itinere 2 sguizari e in li pavioni etiam 2 sacomani. Tolseno cavali et mule n.° 25, preseno 4 villani portavano vituarie di Castel San Marcho in campo nimico, con le vituarie. Li inimici cridono arme, arme; montono a cavalo e presentò inanzi li cavali lizieri; poi le squadre et alemani se messeno mezo mio distanti su uno collino. Quelli de la terra prese animo cridando Marco, Marco, e bombardò il campo, e si spera si tegnirano per esser forte. Venuti li nimici su una colina a canto li sguizari, fo convidati per nui a combater. Non volseno venir; steteno cussì armati 2 hore. Io fensi di fuzir per tirarli a la scaramuza; si penseno inanti 2 trati di ballestra 200 cavali lezieri; mandai contra 150 cavali, e quei fugitte fin a le squadre, né si volse lontanar. Io tornai con li stratioti indrieto [202] dal marchexe, e tornasemo in campo, e referiti al re questo. Et fu consigliato quid fiendum, di andar a tuor uno castello nimico nominato Frangente Monforte, picolo, et bastami l'animo con pochi di averlo. Altri fu di oppinione che la majestà dil re, con tutto il campo vi andasse, et fo concluso che 'l capitano andasse con 100 homeni d'arme e le fantarie e 50 schiopetieri a questa impresa, (et) io, con li cavali lizieri, a la volta de' inimici. Et cussì da matina cavalcheremo. Missier Francesco Morexini e Polo mio fratello, è zonti a Bonivento mia 6 lontano de qui; domani li haveremo con nui.