L'altro corsaro Caplanci, similiter è stà preso da ditto bilarbei, el qual in questo passazo à fato grande execution, impalato homeni 23 de le fuste prese, et ultimate à fato impicar 4 principal turchi di questo passazo, homini richi de 10 milia ducati l'uno, perché haveano intelligentia con dite fuste de' corsari.
     
      [1496 06 07]A dì 7 zugno, vene lettere di Zacaria Contarini orator al re di romani, come la majestà regia omnino vegnerà in Italia, et che, a dì 8 lujo, Domino concedente, saria a Milan con persone, ut dicebat, 12 milia, et molti principi et signori. Et pur erano in coloquio con suo fiol archiduca Philippo di Bergogna in Olmo.
     
      [1496 06 09]A dì 9 ditto, vene lettere di Marco Sanuto orator nostro in Savoia, date a Turino a dì 3, come havia abuto dal ducha nuovo grata audientia, tamen, presente do oratori dil re di Franza. Et che quel ducha dimostrò molto haver abuto accepto questa ambasata, et che comemoroe l'antiqua benivolentia.
     
      Item, che esso orator, a dì 6, con licentia di ditto ducha si partiria, et retorneria verso Milano, sicome la Signoria nostra li havia dato in comissione che, dapoi ralegratosi, dovesse tuor licentia e partirsi.
     
      Item, che di la venuta dil re di Franza in Italia non appareva in quel Piamonte alcuna cossa, imo era certo esso re non fusse per dover vegnir in Italia. La qual cossa intesa per nostri, fono molto aliegri et di bon animo restono.
     
      In questo zorno, per lettere da Napoli, se intese esser ivi morto Piero Loredam soracomito a dì 5, ita volente fato, che suo fratello Bernardin Loredam, era proveditor di comun, etiam a dì primo di questo mexe in questa terra morite, siché, uno fratello non potè intender la morte di l'altro.