Questi erano da San Canziam. Et Cabriel Barbarigo governador di l'armada, messe su ditta galia Loredana Agustin Pasqualigo di ser Cosma suo cognato, et poi per il consejo di pregadi fu confirmato soracomito.
     
      [1496 06 10]A dì 10 zugno, fo dato principio a butar zoso le caxe a l'intrar di marzaria in la piaza di San Marco sopra il volto, per far le fondamente di uno [206] horologio molto excelente et alto passa ... el qual ut dicitur costarà ducati zercha ... milia, et sarà il più bello de Italia. Et fu cagione di questo domino Antonio Trono, el qual era deputado a questo effecto, et fo compido a dì ... come dirò, 1497. Et è da saper che la fabrica dil palazo, per queste guerre era alquanto suspesa; pur si andava fabricando.
     
      El conte Bernardin Fortebrazo condutier et fidelissimo di la Signoria nostra, in questi zorni vene in questa terra per dar ordene a le sue zenti, per poter far la mostra. Poi si partì, e andò in brexana a la mostra.
     
      [1496 06 11]A dì 11 ditto, per lettere di Francesco da la Zuecha secretario nostro a Pisa, come Zuan Paulo di Manfron havea corso verso alcuni castelli de' fiorentini, e preso molti animali e alcuni homeni d'arme presso Buti e Vicopisano.
     
      Item, che a le Spezie se cargava alguni navilii de formenti per condur a Pisa. Dize dirse de lì, come erano in Provenza reduti zercha 3000 tra sguizari e francesi, et che di la venuta dil re in Italia intendevano non era per vegnir, perché convegniva atender a le cosse di Spagna.
     
      Item, che fiorentini havendo inteso de' stratioti, fazeano condur i animali a la volta di Siena in la mariema, e che pisani per ditta venuta erano aliegri.