Frequentando el cridar de arme, arme, a colpi di stochadi chazamo li homeni a le lhoro poste; le zente d'arme tutte se pose in arme, e fato tre beletissimi squadroni, el primo le zente de questa regia majestà, el secundo del signor marchexe con tute le zente marchesche, el terzo erano li colonesi, fato etiam uno squadron de cavali lezieri fora de li repari da la banda senestra, insieme con li balestrieri a cavalo et io con li stratioti inanzi a tutti, li alemani dentro de li repari con le artigliarie denanzi lhoro, li diti alemani a banda destra e le fantarie e provisionati a banda senestra, che invero era beletissima cossa da veder, con hordine bellissimo. Scoperti li nimici sopra uno monte, venendo per costa di suo monte, aproximati a 2 mia apresso nui, se afirmono le arteliarie lhoro, chalono perfino a uno quinto de mio distante da le sue zente dinanzi a le artiliarie. Erano tutti li cavali lizieri e balestrieri a cavalo, arzieri a cavalo, schiopetieri; segondo mi erano 400 vel zircha.
      Io con li stratioti me fizi inanzi, e per spacio di una grossa hora scharamuzassemo, peroché io non lassavo le zente mie andar fora de li termeni, perché eramo desavantazati. Visto tal disavantazo, mandai a rechieder 200 balestrieri per spale di stratioti. Avanti veniseno, li nimici se tirono adrieto; poi zonse el signor Prospero Colona con tutti li balestrieri a cavalo e li cavali lezieri, et io, alquanto sdegnato per non mi haver mandato li balestrieri, non vulsi cavalchar con el signor Prospero, ma me afirmai per veder la festa et zercha cavali 25. Tutti li altri andorono de mio comandamento e, zonti che forono sopra el monte, comenzono apizar la scharamuza.