Fornita la messa, montorono a cavalo con sua majestà, e andassimo lontano de lì octo miglia ad uno logo chiamato Colorno, dove alogiò sua majestà, e qui dete disinar a la excelencia dil ducha e madona duchessa et sua compagnia sotto una fraschada et con li paviglioni tesi. Volse sua majestà che 'l ducha e la duchessa se lavasseno con quella, e tutti tre a un tempo, poi sua majestà sentò, e messe la duchessa in mezo fra il ducha e la majestà sua. Le vivande forno infinite, opinae optime a la tavola. La sua majestà spesso porgieva da manzar a l'uno e l'altro, con tanta domesticheza e benivolentia, che più non se potria dir. La tavola era quadra. Ogni volta che 'l ducha parlava, si cavava la bareta, et similiter sua majestà facea de la sua, et ita hano fatto de continuo. Fornito el disnar, steteno un pezo in rasonamento piacevole, poi si montorono a cavalo e sua majestà similimente, e feze compagnia al ducha perfino ad uno loco chiamato Mala, lontano 1 miglio. La majestà sua ne fa le spexe. Questo è quanto è facto persino qui. Doman serano insieme e farano quella deliberation debono far. Ben certificho v. m. che infallanter, e senza alcun dubio, e questo serà verissimo, che, de qui a chalende de augusto proximo, sua majestà serà in Italia, e questo teniti per certissimo.
      De le cosse dil re di Franza, non se ne ragiona più come se 'l non fosse al mondo.
      Data Malae XXma julii 1496. Subscriptio Coradinus Vilmerchà, scalchus.
     
      [1496 07 26]A dì 26 dito, vene lettere di campo di 16, 17, et 18, et una lettera di Polo Capelo orator nostro sarà qui scritta.