Et cussì Ferando contentoe. Et che, a [263] dì 3 di questo, el preffato monsignor doveva ussir di l'Atella con tutte le zente e andarsene a Castelloamar, et ivi montar in nave et navilii che a lhoro per il re erano stà deputadi, siché, non si curono di aspetar al termene che era a dì 10 a dover ussir de l'Atella; et che erano zonti li ostasi, salvo Paulo Vitello, el qual dovea andar in uno loco dil re ditto per invalitudine di la persona. Ancora, vene lettere dil re, di 28, al suo ambasador Spinello in questa terra existente, come era ussito di l'Atella 50 homeni d'arme et zercha 600 sguizari, li quali volevano acordarsi a' stipendii di soa majestà o di la Signoria nostra per non ritornar in Franza, et che havia convenuto prestar ducati 10 milia a Monpensier, per caxon che sguizari et alemani, come necessitosissimi, continue erano a le mano, et che fiorentini haveano provisto a mandar a dito Monpensier ducati 16 milia, li quali erano in camino, zoè con lettere de cambio dovevano esserli dati.
     
      Item, che francesi erano desiderosi di passar in Provenza, et cussì el resto di sguizari per aver il suo avanzo, et che el signor Virginio Orsino diceva etiam lui voleva andar in Franza, et che il re, abuto la consignation di l'Atella, et altre forteze, et acompagnati francesi a Castelamar, voleva andar a campo a Gaeta; Taranto et Venosa sperava che si renderia havendo Gaeta, et che, dubitando la nave e le do galie che di Provenza dovevano vegnir a socorer Gajeta non intrasse dentro e li desse socorso di zente e vituarie, scrisse a l'armada di Spagna, era in Sicilia, dovesse ivi a Gaeta andar.