Et prima el principe volse far uno discorso di la affection dimostrata per la Signoria verso lhoro, afermando aver tutto il regno per lei e non per altri, unde restavano sempre obligati, et che 'l si ricorda li honori fatoli quando il vene a Veniexia, et che se reputava obligatissimo sempre a essa Signoria illustrissima. Et laudò missier, et che la majestà dil re havia abuto piacer di la sua venuta, suadendo el volesse spazarsi. Missier li respose acomodatamente; poi el principe lo acompagnoe fino al pato di la scalla, e lì se abrazono e tolseno licentia, e tornò a galia acompagnato dal vice re et conte di Matalon. Le galie è in mala condition. Mancha homeni 250 et più, e questo procede da non haver danari, et sono disperadi. Messier farà la zercha a le 3 galie di Candia; bollerà i libri, e le manderà a disarmar. El re atende a aver il castello di Salerno, etc.
     
      Lettera di 16 ditto in Napoli, recevuta, a dì 24 ditto, di Francesco Dario. Come le rezine erano andate in campo a visitation dil re, e per veder francesi ch'erano venuti a Castelamar per imbarcarsi, et erano mal conditionati. El principe facea provision de navilii per farli condur in Provenza, et sono mezi morti da fame. Messier ha ordine di andar a Gaeta con tutta l'armada. Doman da sera partirà infallanter. Ozi à fatto la cercha a le 3 galie candiote, et le manda a disarmar justa i mandati ducal. Resta solum galie 12 che menerà con sì assà ben in hordine. Ma bisogna danari; ogni dì fuze qualche uno. In Gaeta si trova da 8 barze in suso zenoese grosse; tra le altre è quella di Nigron di botte 3000, e parechie galie catelane.