Questo Signor mostra di tal cosa aver afano, per esser suo inimico il diodar. A dì 20, tuti li armirai di qui andò a Tresade, e diseno al Signor che voleano cavalchar per trovar questo diodar per farli compagnia. El Signor rispose chi voleva andar andase, e chi volea restar restasse. Tandem, tre di questi armiragii andò, videlicet el diodar dil soldam, Lazebo Teni et uno altro. Il resto è rimasi. E voleno mandarli uno presente per Loazebo di ducati 3000. Nostri niun garbujo ha. Di Aleppo quel Signor era stà lasà di castello.
     
     
      Lettera 23 marzo 1497.
     
      Di le cose del Cajaro, è varie nove. In questi giorni si sta molto ambigui. Fu dito Campsom Campsomì era venuto a Gazara, dove meza zornata avanti avea roto el diodar. Poi fo dito Campsom è stà roto dal signor di Gazara e quel di Tripoli con el diodar. Altri dize Campsom è al Chajaro. In queste nove, el signor di Damasco mese a sacho la caxa dil armirajo grando. Lazebo cavalcò e poi tornò ozi 11 dil mexe. El castellan e vice castelan è stà retenuti per il Signor e posti in castelo. A custodia dil castelo Caxandar dil Signor, è stà messo Aman. È il morbo.
     
     
     
      Nuove dil mexe di setembrio 1496.
     
      [1496 09 01]A dì primo septembrio, vene lettere da Milan come el re di romani era zonto a Monza, mia 10 de Milano, dove volleva aspectar li oratori nostri. Li qualli, in questa matina partino di questa terra et andono a Padoa, dove se messeno in ordine di cavalchature al numero zercha 80 di cavali optimi abuti da li condutieri nostri, con li qual andono molti [291] patricii, et io nel ditto numero di Verona con lhoro mi transferiti, come al loco suo tutto sarà scripto.