Et ditta speza era tutta ducati ...
     
      In questo mezo, el re Ferando, vedendo che, tenendo le zente nostre più a soi servicii monteria tanto più la spesa, in modo che licentioe quelle che tutte potesseno al suo piacer ritornar a caxa, et Polo Capelo cavalier orator nostro dete uno ducato per testa ai stratioti n.° 150, et li mandono per terra a Pisa. Et veneno volentiera, videlicet in loco di altri stratioti erano stà morti et manchava, et benissimo in punto veneno a Pisa. Il resto di stratioti, una parte ritornò in questa terra, un'altra parte andono in Puja et passò a Corfù. Et le zente se messeno in camino. El pontifice solicitava con brevi di haver le sue bonbarde e artillarie havia prestato al re Ferando, etiam zente perché al tutto voleva andar a tuor i castelli di Orsini, et quelli ruinarli di lhoro dominio, et il stato darlo a' soi figlioli. Et di Spagna era venuto a Roma suo fiol duca di Candia, dil qual più di sotto fortasse ne parleremo.
     
      In questo mexe di setembrio, vene lettere di 3 lujo di Costantinopoli di Alvise Sagudino secretario nostro, come, essendo ivi zonto et intendo a la presentia dil signor Bayseto, subito che 'l ol vete si levò dal mastabè, e vene sul l'horo di quello, e tocoli la man, et che dito nostro secretario volse quella basar, e lui fo renitente, et li fece optima ciera, e ricercolo in molte varie cosse de tutti i stadi de Italia, di li qual era ben informado. Et li rispose benissimo. La qual cossa è segno che 'l Turcho havia più timor di movimenti de Italia; et che si alegrò molto di la prosperità de' venetiani, desiderando veder lettera dil nostro doxe piena de nuove; dicendo era molti mexi che non havea abuto alcun aviso.