E questo faceva per intender si i suo' exploratori che vien per via di l'Arta e Vallona dicono el vero. A questo li fo risposo che, non havendo la Signoria ivi baylo, non havia a chi scriver le cosse sue. Tamen il Turcho non volse più baylo, e questo perché li bassà dicevano era lì come spion etc.
     
      [1496 09 18]A dì 18 septembre, nel mazor consejo fu publicato la condana fo di Zuam Jacomo Bon et di tre balotini, fata nel consejo di X con la zonta a dì 14 de l'instante. Primo, el ditto Zuan Jacomo sia confinato in perpetuo in la cità di Famagosta, con questo che ogni zorno se dovesse presentar al rezimento, et che rompando el confin, sia preso et conduto di qui a le preson forte, dove el stagi uno anno, et poi remandato al confin, et hoc tociens quociens. Et [324] è da saper have 17 scassi di corda, né mai confessò alcuna cossa, ma li indicii erano chiarissimi, et che, rompendo il confin, a chi el prendeva havesse lire 3000 di suo' beni, li quali siano ubligati li so beni per tal causa, e non si atrovando, siano pagati di danar di la Signoria nostra. E questa condana fo publicata per esser stà fata per le cosse se havia abuto per caxon dil mazor consejo, contra la persona sua.
     
      Item, Hironimo Triuli et uno Modesto i quali portavano li bossoli in loco di ballotini, siano confinati in perpetuo a Retimo, et habi di taja di L. 1000 rompendo, a quelli che li prendesseno etc. A li qual non se podesse far gratia, don, remision, recompensasion et dechiaration, né altramente interpretation, sotto pena etc. ut in ea.