Sopra zonse li nostri cavali lezieri, zoè stratioti et altri, per modo che se levorono tumultuariamente, dubitando che tutte le zente nostre li fusse a le spale, et se 'l ce fusse stato pur 2 squadre in opposito, se metevano in fuga et erano rotti et frachassati. Tamen, infecta re tornorono pur a Pontadera ne li consueti alozamenti. Et dagandose la bataja a Sojana, fu morto da uno archobuso domino Petro Caponi comissario fiorentino, ch'è uno de' primi de governo de Fiorenza. Per hora le zente nostre non fano altro, perché aspectano il figliolo del magnifico messer Zuam Bentivoglio con li 150 homini d'arme, el qual per quanto intendemo, luni, che fo adì 26, se doveva [340] partir da Bologna; ma prima si fermerà per 6 over 8 zorni in Lunesana in soccorso dil marchexe Gabriel Malaspina, al qual anche noi li mandemo di qui fanti 300 et 80 cavalli lizieri, di comandamento di la illustrissima Signoria. Et se existima che in 8 zorni se expedirano da quella impresa, poi se unirano tute le forze nostre insieme, et se proseguirà ad ulteriora come se intenderà per zornata. Senesi sono a Campo molto grossi, et lo hano molto stretto per modo che se tien lo habino a spazar in pochi giorni. Altro de qui non c'è degno de noticia. Io non scrivo a messer Zorzi Negro per la celerità de la levata de queste galie. Però priego vostra magnificentia li faci queste cosse comune.
      Ex Pisa die ultima septembris 1496.
      Subscriptio servitor, FRANCISCUS A JUDAICA.
     
      A tergo: Magnifico ac clarissimo domino Dominico Malipetro classis venetae provisori dignissimo, domino colendissimo.