Nec alia. A vostra magnificentia me ricomando. Le alligate, vostra magnificentia più presto la potrà le meterà a camino per Venetia. Ex Neapoli, die 7.ª octobris 1496, Hora 24.
     
     
      Lettera di Marchiò Trivixam capitano zeneral da mar,
      a Nicolò Michiel doctor et cavalier orator a Roma.
     
      Magnifice ac clarissime eques, tamque frater honorande. In questa hora, 5.a de giorno, hessendo io con l'armata nostra et de compagnia con el excelentissimo re don Fedrico sopra Santa Maria de la Fortuna, che è apresso Napoli 4 miglia, vene el ducha de Melfi, el castelan de Castel Nuovo de Napoli, et el Caraffa con 20 baroni del regno genthilomeni e citadini de Napoli, e lì, desesi nui in terra, per el ducha fu dito verso el prefato signor che, hessendo morto el re Ferando, li baroni, genthilomeni e tutto el popolo haveva electo el prefato signor in suo re e signore, sperando haver bon rezimento etc. Sua majestà, con acomodata forma de parole, se dolse de la morte, et acceptò el cargo del regno et per tutti fu acceptato per suo re e signor, basando a quello li piedi e la mano, cridando tutti: viva el re don Fedrico. Io scrivo le alligate va a la illustrissima Signoria. Prego vostra magnificentia la spazi per questo subito, perché non potriano esser de mazor importantia di quello è. Per un'altra darò più compìto aviso a vostra magnificentia. Data in porto de Napoli, a dì 7 octubrio 1496.
     
      [347]Lettera data a dì 7 octubrio in porto di Napoli, per il cogitor di l'armata.
     
      Ozi, seguendo il nostro navigar, arivassemo a Napoli con tutta l'armata nostra, et ben 10 galie catellane, senza feste alguna a hore 22, dove al castello intorno al mollo, et circumcircha al porto trovassemo uno gran populo congregato.