Il che udito per sua majestà, deliberò andar personaliter a veder el tutto, et secho andò da 150 alemani et altratanti ballestrieri de le galie nostre, et io etiam vi fui. Et visto il tutto da uno colle lontano da le mure mezo trar de bombarde, se ne tornassemo in galia che non ne fo trato algun colpo, ancor che le mure fosine piene de zente, et che poco avanti a li alemani fosseno stà trati molti colpi. Se levassimo poi de lì per venir a metter in terra a la foze la regia majestà, la qual volse che passassemo acanto acanto Livorne, de dove ne fo trato molti colpi de bombarde e passavolanti, e tra le altre una che ne passò de sopra la pope de la galia. Nel descender de dita majestà, disse al nostro proveditor che volea andar a Pisa per metter hordine a tutte cosse necessarie per la expugnation de Livorne, de la qual mostra haver grandissimo desiderio de expedirse presto, et in ogni suo acto et movimento mostra andar tanto sinceramente quanto mai hè possibele. Et credo che con effecto el sia cussì, et che 'l sia summa bontà, et che 'l porti gran amor et affection a quella terra. Et di epsa se chiama multo satisfato; de qualche un altro non cussì etc. non licet loqui. De li pisani se tien molto contento, et dice volerli omnino [365] reducerli a la pristina sua libertà, restituandoli Ligorne et tuto el suo. Terzo zorno fui a Pixa con el proveditor mio patron, dove che bona ciera ne fosse fata imposibil saria poterlo dir. Io credo che chi aprisse fino li fanzuoli che sono in cuna, se li troveria diese San Marchi per uno scolpiti nel core.