Et pan, né fresco né biscotto, non si poteva aver per danari. Et che eri, fo a dì 22, con la spada in mano solum si havia potuto haver tre sachi. Unde, el capitano, ritrovandosi in queste angustie, havia provisto di dar un soldo per ogni libra di pan a' galioti acciò chome disperati non andasseno via, et quelli non volevano contentar; et che ivi si stava con pocha reputation, et che 'l re non havia deputato niuno in sua compagnia, né mai lo facea visitare.
     
      Item, la peste vi era in la terra, e in più contrate si moriva. Che li galioti a turma et squadra fugivano, et, da tre zorni, 10 di la galia di messer sono andati publice cridano voler andar via etc. Tamen, per la Signoria erali stà dato licentia di partirsi, et la licentia non era zonta, imo fo tardissima, come dirò di soto.
     
      Eri, cercha l'hora serotina, fo a dì 22 octubrio, el principe di Bisignano, ne la anticamera regia, fue ferito de tre botte de pugnal da un zenthilomo neapolitano a morte. Fu gran rumore et tumulto, e serate tutte le porte, et preso el vulneratore, dimandato di la causa, dixe non volerlo dire solum a la majestà dil re. E cussì fo incarcerato. Hora, si dice el monte di Cajeta sia stà preso da le zente regie ivi andate, tra le qual el signor Prospero Colona; ma non è possibele senza bombarde, perché le artigliarie ancora non pono esser zonte. Eri sera, domino Paulo Capelo orator nostro, fue invitato a la impresa di Cajeta da questo novo re.
     
      Noto, come fo divulgato poi ditto principe di Bisignano, el qual era deputato dal re di andar a l'impresa di Cajeta, per la qual cossa el re convene andar in persona, che esso fue ferito da uno di soi, et la causa fo perché l'havia abuto a far con la madre sua et la sorella, et che, venendo [375] a morte, la madre li disse "io te lasso fiol la mia maledition, se non farai vendete di la vergogna fata per el principe di Bisignano a tua madre et tua sorella.