Et per observatione de le cosse preditte, se è subscripta la preffata majestà in questi presenti capitoli, et li infrascripti capitanei franciosi.
     
      Seguita altre nuove.
     
      Et cussì compito il termine di 10 zorni, esso re don Fedrico, con li oratori di la liga, tra li qual Polo Capelo cavalier, introe in la terra di Cajeta, et have il dominio, et la rocha li fo consignata. Et li francesi montoe su li navilii n.° ... et verso Provenza navicono. Et etiam montoe su ditte nave monsignor de Persi, assà nominato, et uno de' primi capitani francesi. Et dicti navilii cargono de robe portando tutto quello che poteno portar, et chome fo divulgato, fino li calesi de le chiesie portono via, et molte done cajetane, havendo preso amor a' francesi, con lhoro volseno andar in Franza. Et acadete, come più difusamente dirò di sotto, che una nave di le ditte carga de francesi de quelli che andava in Provenza, partita di Cajeta, per fortuna sora Monte Argentaro dete in terra et si rompete, et tutti francesi si anegono, et la roba persa, et fo divulgato, tamen per verità non scrivo, che ita volente Deo francesi fono in mar sommersi per le violentie, stupri et altre spurcicie comesse in ditta terra di Cajeta, et per la gran crudeltà che usono; siché, cussì come francesi nel principio che veneno in Italia da ogni banda prosperavano, cussì da 6 di lujo 1465(21) in qua sempre sono andati di mal in pegio, adeo che di reame sono poenitus exradicati. Resta solum Rocha Vielma, ne la qual si ritrovava Gratiam de Guerra francese, homo assà degno et [395] fratello di Menno di Guerra capetanio in Ostia.