El qual promisse di andar a una dieta e poi tornar.
     
      Et è da saper come el prefato re, hessendo a Pavia, mandoe a Zenoa con instrutione el comandador de Haro orator yspano, et domino Francesco de Montibus orator neapolitano, acciò ivi exortasseno zenoesi a far armata. Tamen li mandono et nulla operono, et da soa majestà verso Elemagna ritornono, al qual erano oratori deputati. Et zercha questo re di romani, a hora più non parleremo.
     
     
      Quivi è il sumario di la relatione fata per Alvixe Sagudino
      secretario di la illustrissima Signoria, ritornato da Costantinopoli.
     
      Primo, che el Signor turcho era de etade de anni 56, de color zalo et più presto livido, amador de paxe; dedito più presto a la golla et altre voluptà, che a la guerra.
     
      Che de presente, l'à tre bassà, videlicet Thaut bassà ch'è albanese, Imbrai bassà et Alì bassà che sono turchi. Et che el superior tempo, Scander bassà, che era de mazor auctorità de tuti questi, è stà privato de questo officio et dignità.
     
      [398] Che l'à 7 fioli, el mazor dei qual è de età de anni ... el menor de anni 12. El terzo ch'è di età di anni 21, sta a le Foje, ha mazor parte a sucieder ne la signoria del padre et da li popoli, perché li altri stanno in paexi lontani et questo sta apresso la Porta; el perché, morto Mahumeth, questo terzo fiol fu messo a sentar per Signor in Constantinopoli essendo suo padre fuora dil paexe, et venuto suo padre, el ge rese el dominio et la signoria.
     
      Item, l'à 8 fiole tutte maridade, et hora à la dona graveda.
     
      Che l'à de intrada 2 milioni et 400 milia ducati a l'anno, a questo modo: de el charazo ducati 900 milia; del terzo del charazo ducati 300 milia; de tute le sue scalosie ducati 500 milia; del dazio dei castroni ducati 400 milia; de algune donne(22) ducati 300 milia.