Et perhò exortava nostri a voller far valide [403] provisione. Et tanto più si dubitava, quanto domino Joanne Alovisio dal Fiescho principal capo di la parte di Gatti, ch'è maltraversi, era alquanto sdegnato con li Adorni che governa, et si stava fora di Zenoa a li soi castelli. Ma pur fu tanto operato che si pacifichoe et in Zenoa ritornoe, vollendo esser in amicitia con la liga et fidelissimo al stato de Milan. Ma il conte Nicolò Maria Rangon che teniva il Casteleto, quello teniva con gran guardia a requisition dil roy di Franza, et manchava fino a dì 11 novembrio che verà a compir il termine di 2 anni, et li custodi erano pagati per mità di il re di Franza et dil ducha de Milano.
     
      Intendendo nostri il bisogno grande, fo preso di far cavalchar in milanese stratioti 120 erano in brexana alozati. Et cussì fo scrito a li rectori di Brexa a dì 20, che dovesseno farli cavalchar incontinente a Milam. I qualli volendo danari, li fo volluto dar tre page, ma non fono contenti, et ne volevano altre doe, a rason di ducati 4 1/2 per cavalo al mese in tempo di guerra. Et tandem fo conzo, et li fo dato ducati 10 1/2 per uno, et verso Milan cavalchono, i qualli el ducha li mandoe in Alexandria di la Paja. Ancora fo fato cavalchar Zuam Griego con 80 cavalli lizieri, el qual cavalchò solum con una paga. Et el ducha de Milan mandoe a Zenoa provisionati et assà fanti, et fece molte provisione per conservation di quel stato. Et fo preso in pregadi di far cavalchar 300 homeni d'arme de' nostri ivi sul milanese, videlicet questi: domino Taliano Da Carpi cavalli 400, domino conte Alvise Avogadro cavalli 240, domino Alexandro Cojon cavalli 240, et domino Thadeo da la Motella cavali 240. Et cussì fo dato danari a ditte zente, acciò si ponesseno in hordine et fusseno presti a quei confini.