Tamen, la residentia di esso re è in la cità de Lisbona. Et quel re, da poi che molto esso orator charezoe, lo fece cavalier, li donò una spada e uno per di spironi e, nel partir suo, li donò uno gato di zibeto e una medaja d'oro di valluta di ducati 200 da farsi una coladena. Et era con dicto orator Sebastian Contarini suo fratello, etc. A dì ultimo octubrio, zonse esso orator a Burgos in corte dil re di Spagna, chome dirò di sotto, et a dì 17 novembrio, Francesco Capelo cavalier partì di Burgos, et a dì 4 dezembrio zonse a Barzelona, et a dì 5 zonse a Tortosa, poi andò a Valenza, et poco lontan montoe su le galie di Barbaria et vene verso Veniesia, smontoe a Tunis, fo da quel re etc. come dirò.
     
     
      Questo è il successo di tutte nuove venute dil mexe di dezembrio 1496.
      A dì 3 ditto, venne lettere da Milan di 27 di novembrio, date a Belreguardo da Marco Dandolo sopra nominato orator nostro, come el ducha era zonto lì, et che di le cosse di Zenoa che in Provenza si armava et erit bonum proveder, et per lettere intercepte da Lion, che lì erano zonti el cardinal San Mallò et el cardinal San Piero in Vincula, el ducha d'Orliens, domino Baptistino di Campofregoso et il [419] ducha di Barbon per consultar di le provision italice.
     
      Item, verificha la rota del re de Ingelterra con scozesi, et esser a campo, inter utrumque, persone 40 in 50 milia.
     
      Da Pixa, de 29, come el campo nostro era andato a li alozamenti, et li proveditori se ritrovavano in Pisa.
     
      Da Roma, de 26, come Trivigliano loco de Orsini, a dì 25, le zente pontificie lo haveano abuto, nel qual era intrà el legato Luna.