Da Zenoa, come l'armata di Normandia si atrovava legni 5 a l'ixola de Eros.
     
      Da Turin, afirma il passar di molte zente e lanze francese, et dover esser presto de lì el cardinal San Piero in Vincula con 4000 alemani et altro numero di zente.
     
      [1496 12 20]A dì 20 ditto, vene lettere da Milan de 17. Primo, dil partir per Como del cardinal legato et ambasador napolitano, et a Clavena aspetarsi i capi de la dyeta de Lyndò per tratar de agendis. Zercha a la deliberation di Taranto, el ducha laudava perché la Signoria feva tutto a bon fine, et era contento di contribuir al re preditto ducati 21 milia.
     
      Da Pisa, de 14, la disolution de le nostre zente, maxime stratioti, e che le forze de' fiorentini se agumentava a le coline, zoè a Tremoleto, dil qual dubitavano perder con il resto.
     
      Da Bologna, come fiorentini erano ingajarditi per el partir di Maximiano, et solizitavano far expedita la via verso Liburno per le vituarie.
     
      Da Ravena, de 17, di quel Zan de Ortona che continuava el far de le zente a Lugo e per Romagna. Dicevano per mandar a la volta di Brazano per socorerlo.
     
      Item, come la duchessa de Urbin dovea zonzer lì per andar a Mantoa da suo fratello marchexe; la qual zonse et passò per Ferara.
     
      Per exploratorie da Lion, se intese dei desegni e preparation facea el cardinal San Piero in Vincula e domino Baptistino Fregoso, per intrar in Zenoa [432] con ajuto dil re di Franza et 4000 fanti gallici quali principiavano a passar, et 200 lanze capo monsignor de Serenon, homo provenzal et de mal animo verso Italia.