Da Milan, di 28 sin a dì 2, come il ducha si [441] dolleva fusse tenuto sospeto da la Signoria in tutte cosse, justifichandosi di quanto l'à fato e fa, e che se la Signoria ha fato gran spexa, chi l'à pregata a farla? e di la expedition toschana, aver manchato da altri che da lui.
     
      Da Roma, di 29, come havia comunichà la materia di Taranto col papa el qual laudò la deliberation, e dil ducha di Milan disse non li aria piaciuto questa materia, qui non est amicus noster, et scripsisse sibi uteretur minatoria verba, ut desisteremus, et quod noluit fecere. E che de l'aviso di Camallì, l'orator yspano li havea ditto che fenzevamo per far la cossa di Taranto più facile, e che l'era stà avisà di qui che se era stà in deliberation fin hore 6 di note in pregadi, e havevamo mandà a consultar a Padoa, e che per tutti i monasteri era stà fate oratione per ditta causa, et subditi.
     
      Da Zenoa, esser stà divulgato per la terra, che Pisa havea levà San Marco.
     
      Item, che 'l governador havea ditto che la Signoria era molto sospeta del dominio de Italia per Pisa e Taranto, e che Maximiano era levà da Pisa e corozato con nui per questo.
     
      [1496 12 07]A dì 7, da Roma, di 1.° Di la materia tarentina, haver da Cosenza cardinal che l'yspano orator e Napoli, avisati de qui, haveano ditto al papa che la Signoria se havea insignorito di quella, e che l'aspirava al dominio italico, quod non deberet permittere. Il papa havea risposto le operation di la Signoria tender a fine utele universal.
     
      Item, le zente a poner campo a lochi di Orsini, non sine favore regis neapolitani.