Le qual lettere fono intercepte.
     
      Item, che 'l legato e altri oratori di la liga exortavano la restitution di Pisa a' fiorentini.
     
      Noto: in pregadi fo scrito a Roma il papa si adati con Orsini, li quali laseriano parte di lhoro stato al papa, e Anguilara, che fo dil signor Deyphebo, e Cervatelle.
     
      Item, il signor Francescheto non restava per ducati 50 milia di adatarse.
     
      [1497 01 04]A dì 4. In pregadi fo risposto a Milan, a li 300 homeni d'arme mandarli 300, (sic) qualli, con i cavali lizieri mandati per avanti, asenderano a quella summa vel cercha.
     
      [448] Item, a la contribution per i alemani, non essendo il re in Italia, non semo obligati, e che 'l ducha li tegna fin si veda altro di Zenoa. Quanto a Pisa, che hessendo soli a l'impresa, volemo la spexa sia computà per la liga, quamvis semper faziamo la obligation nostra.
     
      [1497 01 07]A dì 7, da Milan, di 1.° fin 4, che li oratori yspani, vedendo la liga dovea tenir 36 milia cavali, non tenendo se non 18 milia, voleano che a i so reali si contribuisse pro rata il resto.
     
      Da Morbenga, dal Stella secretario, che 'l re li havia dito l'archiepiscopo maguntino non era bonus vir, e l'avea chiamato in Alemania perché el non atendesse a la salute de Italia.
     
      Item, lettere di render Pisa in forma libera havia comunichato. Placuit et dovea risponder.
     
      In pregadi fo risposto a l'orator yspano, che, finite le turbatione italice, semo prompti a quanto è stà promesso, e, facendo i altri, questo stado saria assà etc.
     
      [1497 01 09]A dì 9. La relation di sier Antonio Grimani.