Item, che li danari promessi se li manderia, zoè il resto di 30 milia ducati. Poi disse de conditione regis, dil trar dil schiopeto da la fanestra verso uno camin; poi de duce Mediolani in penuria de danari et in odio di tutti i populi, et se non fusse la reputation di la Signoria nostra, saria expulso, et per le angarie et la pocha stima fa di principali; et ha deprimido et exulado i primi, tolendoli il suo, come fé a' li Boromei e Traulzi et altri; et che l'atendea a far spender a la Signoria, di la qual cerchava servirsi a le sue voglie etc.
     
      [1497 01 10]A dì 10, lettere da Milan di 5 et 7, conferimenti abuti col ducha, legato et oratori in la camera olim di la duchessa defunta, serate le finestre, sollo con una candela et senza dolersi dil caso. Fo consultato sopra i avisi di Zenoa et Turin.
     
      Item, i nimici erano molto soliciti contra Zenoa et Saona.
     
      Item, che l'havia mandato Eneas Crivello a [461] Casal a domino Constantino Arniti che governa il Monferà, per intender la sua mente in dar passo e alozamento a' francesi over no, e trovandolo bene disposto, lo confortasse et dovesse star lì oferendo Fivizano, qual è sul Monferà, feudo dil ducha, di esser custodito per ditto marchexe fin prendesseno fine questa tal perturbatione.
     
      Item, che il marchexe de Careto havea scrito al ducha, continue passavano artelarie e zente a la volta di Saona, Crespino et Novi.
     
      Item, che 'l Traulzi, intendendo l'odio di populi al ducha, facea dimostratione de infestar quel stado, acciò fusse occupato per sì e per Zenoa, et che li populi, inteso queste moveste francese, publice pareano desiderar novità.